فديتكم يا اهل حايل

[حطموك....ياقلبي]

حايل وأهل حايل غلاهـم لحالـه

ساكن بقلبي ماتغيـره ألازمـان

حايل من البلـدان قلبـي لجالـه

لا داخل الدولة ولا برا الأوطـان

حايل عروس المملكة في شمالـه

ولا يلقي له شبه حتـى بلبنـان

قلبي عشق ضلعانها مع سهالـه

أجاء وسلمى ونفدها وأم سلمـان

دار ياعل السيل والخيـر فالـه

دار الكرم والجود للمجد عنـوان

دار بأهلها كـل علـم تنـالـه

عز الله أنه بالكـرم فعلهـا بـان

دار سبقنـي ناصـر يـوم قالـه

دار عشقها وقلبه معلق ببـرزان

والدوسرية بأهلها ويش قالـة ؟

يومه تمنى مسكنه ذيك الأوطـان

والعنزي يوم يمدح خوالـه

يقول شمر هم ذرا كـل بلشـان

كلٍ سبقني فـي جميـل المقالـه

ولا نوفيه بالمدح ببيوت وأوزان

وهي شرفت في دورها من عناله

عز الله أنه ترفع الراس يافـلان

أن جيت له زوار جولـك عيالـه

كلٍ يقول أبغاك ضيفي مـن الآن

جود وكرم مع خف نفس وشكاله

وللضيف عند عيالها قدر مع شان

ولا أقول أنا باق القبايل هزالـه

ولا أقول بالأجواد سب ونقصـان

وأختامها رسول رب الجـلا لـه

صلوا عليه عداد ما كايـن كـان


وســــــــــــــــــــلامتــــــــــــــــــكم


(((((((( حطموك ياقلبي ))))))))

[غزل الشمال]

صح لسانك أبداع لا هنت على هالقصيده التوب

[غسان]

مشكورة اختي على القصيدة الرائعة وعاشت حائل واهلها

[أبوراكـــاآن]

حايل عروس المملكة في شمالـه

ولا يلقي له شبه حتـى بلبنـان















مشكورة على هالتعبير والوصف
صح لسانك

[&؛؛احـــمـــد؛؛&]

فديتك

وفديت اهل حائل

تسلمين يالغلا


على القصيده الرائعه


سلمتي

http://tbn0.google.com/images?q=tbn:OW7GxIap9HGMcM:http://www.w7m.org/2007/Mar/1175090453.gif

[جرح الشمال]

اجل الله يحييكم كلكم بحائل روحي بحايل ماتفارق جبلها ==حبي لها عيا على كل الاقطار

[جرح الشمال]

روحـــي بـــحــايـــل مــــا تــفـارق جـبلها
وحبي لها عــــيّا عـــلى كـــل الاوصـــاف

أفـرش حــــصــاهــــا واتــــوسـد سهلهــا
وأرقــــد بـــحضن جبال سلمى ولا اخـاف

اســــمــح واراضـــيــــهــا واداري زعـلهــا
واشـتاق لـــه شـــوق الطـنايـــا للاضياف

او شـوق سـمــر جــبـال حـايـل لاهلهـــا
وجـاوزت من حبي لـــهـا حـــد الاســراف

وعـينـي بـاجـأ مـا تـســمـع اللـي عذلهـا
وخشـــوم سلمى مثل شذرات الاسياف

قــــصـــــة غــــرام تــــراب حــايـل نـقـلهـا
تحكي على التالين من ما ضي الاسلاف

اجــأ تــــهــــضــــم عــبـرتـه واحـتـمـلـهــا
ولا هـــي بـــعــــادة عـــبرة الحـر تنشاف

وحـوّل عـلى سـمــر الجــبــــال ونـزلـهـــا
عـــن دار ذل عـــقـــب ما شـاف ما عــاف

وسـلـمـــى تـغـنـي لـه قـصـــايـد غـزلـها
علـــى الـــوفـا والـــود وسلـــوم الاشراف

وحـاتـم زرع عــــود الصــخـا فـي جبـلـهــا
وأوقـــد بشـامـــخ ضلعـــها نـــار الاضـياف

وعـنـتـر علـى سـلـمى ركــابــــه عـقـلها
وشحـــوا عـــليه عـيال سلمـــى بالانكاف

دار بــــهـا الشـلـقـان صــاغــــوا مـثـلـهــا
خـــويّهـم شـالـــوه مـــن فوق الاكـتـــاف

وقـصـة معشـي الـذيــــب مـحـدِ جـهـلهـا
يـــا مـــن يعد الذيب من عـرض الاضيــاف

وراع اللـــبــون اللــــي عــلـــيـنـا نزلـهـــا
تـــرعى لـبـــونـــة بـــالـــقـريّة والاكـنــاف

مـالــــوم مــــن روحــــه لـــحــايـل بذلـهـا
وأرخـص لـــهـا قـــلب مـــن الـــود ينــلاف

[جرح الشمال]

وكثيره هي الابيات عن حائل والبعض من القصائد منذ العصر الجاهلي لاءمرؤ القيس و عنتر بن شداد اذا تبونها بس اشروا واقول تم=============

[نواف الشمري]

مشكوره وكلك ذووووووووق وعلى راسي من فووق انتي وحايل............طيب مافي عن رفحاء ديرتي.؟خخخخخخ

[شماليــــــــــه ومن قدي]

يالبى حاايل هذي حيال ماهي بهند واشواق ديار حاتم شمخات جباله



مشكووووووووووووور ه فديتس يالغاليه


جرح ياليت يالغاليه هذي ديرتنا حايل جيبي القصايد عنها يالله انا اشرت

[شمرأخوشمر]

عز الله أنه بالكـرم فعلهـا بـان

دار سبقنـي ناصـر يـوم قالـه

دار عشقها وقلبه معلق ببـرزان

والدوسرية بأهلها ويش قالـة ؟

يومه تمنى مسكنه ذيك الأوطـان

والعنزي يوم يمدح خوالـه

يقول شمر هم ذرا كـل بلشـان
/////////////////////
والدوسرية وش قالت ... تكفون وش قالت الدوسريه تكفون

صح صح صـــــــــــــــــــــــــــــــــــــــــــــــــ ـــــح السانك
وسلمت يدك على هذا الزرع الذي اختلط جوريه بكاديه ورمانه
وتقبل مروري مع ودي وتقديري وبانتظار جديد حروووووووووفك
شمراخوشمر وهذا تقييمي

[سيف الشمال]

مشكوره يابعد حـــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ يي
يعطيك الف عاااافيه يالـــــــــــــــــــــــــــــــــــــــــــــــ ـــــــــــــــــــــــــــــــــــــــــغلا

[جرح الشمال]

يالبى حاايل هذي حيال ماهي بهند واشواق ديار حاتم شمخات جباله



مشكووووووووووووور ه فديتس يالغاليه


جرح ياليت يالغاليه هذي ديرتنا حايل جيبي القصايد عنها يالله انا اشرت

:) احرجتيني يالغلا >>> مدري من وين تطلعون هالمواضيع اذكر هاذي اول مشاركه بالمنتدى >> كنت متحمسه بجيب الفصحى وشعراء المعلقات :rolleyes:

ان كنت عازمه على هالموضوع انزلها لأجلك لكن اخاف ان لاتروق لكي الفصحى غاليتي