لغزي الثاني وبطاقة شحن جائزة

[نبض المعاني]

السلام عليكم ورحمة الله وبركاته

لغز ثاني من مفكرة الوالد ونشوف رمعاتكم الحلوه

وش هي قبيله ساكنه وسط غابه
اقرد من المقرود واسرع من البرق
رجالهم ماراح يم العياده
وسبحان ربي كسبهم نهب(ن) وسرق


انا ابغى امانتكم يعني قوقل مافيش لاني طرحته بكذا منتدى وقليل اللي حله والهدف من الالغاز تنشيط العقل وشغلوا عقولكم
واللي يحله له من عندي بطاقة شحن 20 ريال هديه مني لذكائه واعروني اذا تاخرت بالرد لاني مسافر بكره ومتي متى يفعلون خدمة البرود باند عندي لكن راح ادخل من اقرب نت

[حره على كف صقار]

وعليكم السلام ورحمة الله وبركاته

والله ماجاء ببالي الا النمل لكن ماهن اسرع من البرق : )

او النحل فيه بالغابات :)

لي عودة مع الحل إن شاء الله

[نبض المعاني]

رمعه موفقه

ننتظر التفكير بعمق كي يتم الحصول على الحل

[حسب طلبه1]

تسلم نبض المعاني على هيك لغــز..

عندي رمعة يمكن تصيب..

ماهـيب الذيااابـة..

[شمرأخوشمر]

مابين حره والاخت مهـره & اصايلن للميدان قبلي طبـن
يا لله عسا خير ما نكـــره & دام بالنحـل خاب الظــــــن
نبي نعود ونعـــــيد الكـره & اسلم وسلم على شايب الفـن

[نبض المعاني]

اختي مهره مالك لوى ماوصلتي للحل

[نبض المعاني]

اخوي اخو شمر يابعد حيي

حاول مره ثانيه يالغلا وترك انت والاخت حره تحومون منتم بعيدين

[حره على كف صقار]

عندي رمعه

الدبابير ؟؟

[حسب طلبه1]

اهاا يعني ماهيب الذيابة,,

بفكر ونرجع انشاء الله من جديد..


ويمكن حره صادقه بالحل..



::


صح لساان ابو طلال..
لاهنت..

[شمرأخوشمر]

وش راايك اخوي بهالرمعات والمضمون واحد

الاشواق
الهموم
الظنون
الهواجيس
الافكار

كلها قبايل واللغز عليهم يجي واحد دايم

[مشاعر آنسانه]

جاري التفكير ..

اخوي الكريم

[نبض المعاني]

اولا اعتذر منكم لتاخري بالرد لانني مسافر الى الجنوب وانا الآن بينبع

جميع الاجابات خاطئه واعتقد ان اختي حره راح تاصل للحل لان رمعاتها حلوه

اخوي اخو شمر لا تبعد تراك ابعدت

[نبض المعاني]

بالانتظار اخواني وانتظار الحل

فيها شوية عمق بس اللي فكر يحله

[آلطنياويه]

نقووول الضبع.....؟؟؟

[نبض المعاني]

لا لا لا ابعدتي بعيد لو ضليتي على رمعة الاخوان اللي قالوا النحل والنمل افضل

[آلطنياويه]

اوكي...

رمعتي الاخيرة ع قولة حره...

حشرة القراد....!!!

<<< تكرمون..

[نبض المعاني]

لا والله يا خيتي ماوصلتي للحل لكن ان شاء الله ماتكون الاخيره

[آلطنياويه]

بانتظار الاجابة..وان جتني رمعة

قلتها ان شاء الله

تحيتي

[نبض المعاني]

لكل مجتهد نصيب فاللغز لو فكرتوا فيه سهل واتمنى ان لا يقف حائر بينكم

وين النشاما اهل الا لغاز

انا بانتظاركم

[حره على كف صقار]

لكل مجتهد نصيب فاللغز لو فكرتوا فيه سهل واتمنى ان لا يقف حائر بينكم

وين النشاما اهل الا لغاز

انا بانتظاركم نقول البعوض (الناموس\القارص)

[نبض المعاني]

رمعه حلوها اختى بس للان ماوصلتوه للحل صح

انتظركم ;)

[الحاتميه]

مادري اتوقع انه
يالعين او الرمش او بياض العين
المهم احس ان الحل بالعين

[شمرأخوشمر]

انا بصراحه لو لي اللغز كان قلت للفاضله
حره صح السانك على ((تانحل))

وهذا الي شل تفكيري عن اللغز

ولي عوده

[حسب طلبه1]

اللين هاللحين مانحل اللغز..

انا عندي رمعة وانشاء الله اتكون صحيحة..

ماهيب الجــراد ..

[آلطنياويه]

طيب بما أن اللغز فيه صعوبه شوي

لو توضح لنا أي شي بسيط ...

[مشاعر آنسانه]

والله بعد هالتفكير

الطيور او القرود << الظاهر ابعدت حيل خخخ

...

طيب اذا خطأ نبي تبسيط خفيف منك

[إستثنائية ..!]

نقول / الذباب :D ( آكرمكم الله والسامعين ) :D

[نبض المعاني]

السلام عليكم ورحمة الله وبركاته

اعتذر اعتذر اعتذر اعتذر منكم جميعا لتاخري بالرد والسبب انني الآن في خميس مشيط وسكنت بحي لا يوجد به تغطيه للبرودباند موبايلي ويجب ان اقوم بشراء برودباند الاتصالات السعوديه

لذلك لايوجد لدي اتصال في الوقت الحالي

بالنسبه للحل ماحد وصل له الى الآن وشكل البطاقه ابشحنهاmo13

انا راح اقربه لكم

الحل تراه متكاثر بالمناطق الساحليه وموجود في اكثر المدن ولكن بالمناطق الساحليه افضل

قربت لكم هالقبيله اللي حاستكم:p

[مشاعر آنسانه]

خخخ

نقول الاسماك .. بصفه عامه ..

....

[نبض المعاني]

مشاعر انسانه

رمعتك في محلها


الف مبروك الجائزه

وتستاهلين كل خير


لي عوده لطرح لغز ثاني

[إستثنائية ..!]

آلــف مَبروووكْ مشـاعر آنسانه ..

تستاهلي كل خير l::k ..

و الشكر لصاحب اللغز / نبض المعاني :)

,

[ღ البتول ~|ღ]

ماشاءالله مشاعر
مُبروك لكِ والله فكرت وعجزت حتى محاولات ماعرفت
تستاهلين والله
والشكر موصول للأخ نبض لتميزه بهذاالقسم وألغازه الرائعه
يغلق الموضوع للأنتهاء
البتول ~|

[مشاعر آنسانه]

اوب اوب اوب
مشاءالله علي خخخ

انت قربته انك قلت مناطق ساحليه
ولا كان للحين نفكر باللغز ..


.....
استثنائيه
البتول
تشكرات

.....
نبض المعاني
يعافيك ربي ماقصرت
ونبي اللغز الثاني شكلي تحمست
هذا اول لغز احله بتاريخي ببيت شمر
خخخخخ