أبيات من ذائقة (حره على كف صقار)

[حره على كف صقار]

السلام عليكم ورحمة الله وبركاته
\
هذا المتصفح الشعري
خصص لإبيات اعجبت (حره على كف صقار)
كنت أسجل بها حضوري من شدة اعجابي بها
فظن البعض (كعادة أعضاء المنتديات )أني أقصد بها فلان أو فلانه
"حتى نهج البعض نفس النهج في الإختيار"
فكان يرد بإبيات مشابهه أو يتضايق ويظن أنه المقصود
فيشغل نفسه بالبحث عن رد أقوى
لذلك كان وجود هذا المتصفح ضروري
ولكل من مر من هنا hrah

[حره على كف صقار]

حاشم ٍ يمناي , من بعض الكفوف
يوم نفسي .. عارف ٍ منزالها
وكان صمتي ساد , في بعض الحروف
حشمت ( العقَال ) , يا جهَالها
ولا شغلت البال , والشك إمحذوف
وخابرين أفعالنا .. وافعالها
عاقل ٍ ينطق .. بحكمة فيلسوف
و يوزن الكلمه , ليامن قالها
وكلمة ٍ طافت .. وهي صعبه تطوف .!
لا تحسب إني .. جهلت احوالها
غير نعطي , للمساكين الضعوف .!
حيلة ٍ , عل و عسى .. تحتالها
ولا ثنينا الساق , من طول الوقوف
ولا بغينا حاجت ٍ .. نسعا لها .!
ولا دخل ب/ صدورنا .. حقد ٍ و خوف .!
ولا حسبنا , دقَها وجلالها
غن يا راس ٍ , على (العليا شغوف )
والكباير ما خِلقت , إلى لها .!

لشاعر أحمد بن جوفانhrah1

[حره على كف صقار]

قالوا هجوك اهل الحسد قلت لاني
اثير غيرتهم وانا جنب مركاي
وانا اتقهوى كيف شعري وبني
لاقلت قولن هالعذل يسمع أحكاي
ماني مجامل كل شيعي وسني
مسلم والى ضقت على الله مشكاي
رد النقاء ياثاير الحرف عني
والعن جدف راع القفا وكل حكاي
وصب بمسامع صاحبي عذب فني
للحرف ناينٍ لأنزف شوق بكاي
يوم أخلف الوقت الردي كل ظني
بقند الفنجال واقند الكاي
واسامر اهجوسن قمت لها اغني
لنها تجيب اطيوف وتعرف مشكاي
أحدن بليد وعايشن متهني
( ومثلي يحس لكن على الخالق اشكاي)

للأسف لاأعرف قائلها ..!

hrah1

[حره على كف صقار]

ليا اجتمعت الثنتين حاجة وشيمة راس
وهذي تنزلني وهذيك ترفعني
رفعت النظر والله عطاني نظر واحساس
وهي ميزة في كل الأحوال تنفعني
حياة التجارب علمتني وانا حساس
وخلتني اعرف نظرة العين وش تعني
وانا لو بدت لي حاجة عند بعض الناس
اريد الكلام وعزة النفس تمنعني !
\
أيضا لا اعلم من شاعرها ..
hrah1

[حره على كف صقار]

احسب ماللجمايل على الدنيا جحود
لين حطيت معروفي بناس(ن) وجحدوه
اشهد من يفعل الجود في اللي ما يجود
مثل من حجج على غاربه (ذباح ابوه)!

لِ حمد هادي المسردي

hrah1

[حره على كف صقار]

احد تحشمه لابدا منه منقود
واحد ليا من زل خله يولي

دامه دني النفس ماعنه منشود
خلك مع الي بك يبش ويهلي

بعض البشر من خلقته دوم مقرود
وبعض الاوادم عشرته ماتملي

والبعض منهم قربته مابها فود
(رجله على الشينات دايم تزلي)

لاشان وقتك وانت بالهم مصيود
يكفيك ذاك الي وجوده يسلي

الصاحب اللي صاين أعهود
لاماتوانا يوم مهما حصل لي

لامن زهمته انطلق مثل بارود
سيد النشاما فزعته لي محلي

اسمه ونبزه مع هل الطيب معقود
[حر] من التلميح دوم يفطن لي

ومادام حظك جاب لك راعي الجود
راعي الشنا والسو خله يولي..!

للأسف بحثت عن أسم الشاعر فلم اجده

hrah1

[حره على كف صقار]

بيّض الله وجه الأيام سوت بي جميـل
وأرحم الله مابقا منك يالقلب النـدي
مانفعني جود يمناي في راس البخيل
ليتني قبل أفعل الطيب مقطوعه يدي
والله اني ماتحريت للوقفه حصيـل
بدويً لانخيته مـن أقصـاه يعـدي..!
hrah1

[حره على كف صقار]

لاترتفع بالحيل ياطير شلوى
ترى زمان البين مايرحم الريش
ماطار طير إلا على القاع دلوى
قد قالها قبلي رجال(ن) مداغيش
وترى الكبر والكذب فالرجل بلوى
اركد وخل السمن يركد على العيش
hrah1

[حره على كف صقار]

ياصاحبي صاحبك همه لجا فيه
خلا خفوقه تالي الليل عاوي
ياصاحبي الوقت بانت خوافيه
راع المراجل اصبح اليوم شاوي
راع المراجل صار كلٍ يخطيه
والخبل عند الناس بالطيب ضاوي
الخبل عند الناس كبرت علابيه
والناس ماتدري على ايش ناوي
خذها نصيحه صاحبك كان تغليه
وإسئل مجرب قبل تسأل مداوي
إفطن لوقتك لو بدالك بصافيه
الوقت مايرحم ولا هو بياوي
وراع الردي ياذيب باليك تخاويه
في رفقته لازم تشوف البلاوي
خلك مع اللي يرفع الناس طاريه
وإما حصل ماهو ضروري تخاوي
هذي نصيحه والزمن بان تاليه
(ماكل من ينوي على الطيب قاوي)

لِ علي بن ناصر بن شعيل ..!

hrah

[حره على كف صقار]

ياليت راع الطيب فوقه علامه
حتى تعرف اهل الردى من هل الطيب
عشان ماتلحق ربوعك ملامه
ماعاد لاتخطي روابعك وتصيب
حتى يودعنا مجال الندامه
يرد بيبانه على الشك والريب
يوم الرجال انواع هامه وقامه
الأدمي مخلوق مايعلم الغيب
بعض العرب يفرض عليك إحترامه
أما من الأدنين والا الأجانيب
راع العلوم الغانمه والكرامه
اللي محله فوق روس المراقيب
اليا نخيته ماتراعد عظامه
واليا نصيته من خيار المعازيب
والا الردي ماينتثمن كلامه
دايم فعوله حول شذب العراقيب
يمن راع التاليه في السلامه
ليا جا مجاله مايعرف المواجيب
عسى الكريم يجمل الله مقامه
والا البخيل لحاميات اللواهيب

لشاعر يوسف بن عتقان العتيبي ..!
hrah1

[حره على كف صقار]

وياما رجال(ن) بالفعل تازن جبـال
ماتوا وخلوا فعلهـم علـم يطـرح
ودمع الرجل لاتحسبه ضعف لا سال
موقف يهز جبال والجـوف يقـدح
وصمت الرجل هيبه ولا فيه مفصال
وكثر الكلام يقلـل القـدر ويجـرح..!

hrah1

[حره على كف صقار]

الصقور الموكره ماتجي في عش بوم
والمراجل سيفها ينعرف من سلته
المراجل ياجماعه ماتجي بحب الخشوم
المراجل ماتجيها بالعزوم الميته
المراجل مثل ضلع صعب يرقاه الرخوم
لارقاه الخبل حول يرتعد من فيته
(وسلم ربعي ماتركته يامضيعين السلوم
ماتركته يوم كلن اخلف ملته )
لو قطيري بان عيبه لو يزل في كل يوم
والله اني ماابين في المجالس خلته
ولو يجيني قلت مرحب مانبحث فالعلوم
ماندور زلته لو كبيره زلته
مرتفع عن كل شينه مرتفع فوق النجوم
عادة الطيب يرحب لا لفينا حلته
والصقور الموكره ماتجي في عش بوم
والذيب لامن عوى انتبه من جيته

hrah1

[حره على كف صقار]

الطيب عسر ويتعب اللي رقابه
الا على اللي ضاري للمراقيب
ولاكل من يبغاه يقدر يناله
إن كان ماهو من رجال المواجيب
كم واحد به قاصرات حباله
حاول يناله مير ماله مقاضيب
مايقدره واحد على قد حاله
شباب والا لحيته كلها شيب
ولاحازه الرجال في كثر ماله
وهبه عطاها عالم السر والغيب
والعرف مايخفى طريقه لحاله
للعرف ناس وللعذارى ضواريب
ويقدر على فعل العلوم الجزاله
رجل مجرب ماضي له تجاريب
شبل الياشال الثقيل ارتكاله
ولياهرج في مجلسه هرجه مصيب
ذيب ولد ذيب جميله خصاله
ولاهي غريبه ينجب الذيب ذيب
ترى الغريبه ياعرب والمحاله
الذيب لاعقب ولد جاب له عيب
والاب يفرح لاطلع من عياله
شبل يفك معقدات اللواليب
والهرج يكفي حكمته عن طواله
وازكى الكلام اعداد خط المكاتيب
صلوا على اللي شرفته الرساله
محمد اللي رد كل الأكاذيب

لِ الشاعر : حجي الحربي


hrah1

[حره على كف صقار]

ماكل ناس بهذا الوقت تنخاها
ياكم ناسٍ تخيب من هقو فيها
وياكم ناسٍ نظرها ماتعداها
ابعد مكان تناظر له مواطيها
ولقيت ناس ذبحها حب دنياها
عمي البصاير وحب المال معميها
ولقيت ناسٍ بهذا الجيل شرواها
اللي تضيع فؤادك في تغليها
مثل العذارى بملبسها وممشاها
الله يستر علينا من تواليها ..!

لشاعر/ صالح محمد
hrah1

[حره على كف صقار]

من لا كسب فيها الجميله وراسه حي
لامن مات مايجزا بذكره سواء الكوبه
وخوة هل المعروف والموقف المحمي
تنومس رفيع الجاه وتزيد ماجوبه
ولا يكشف اصناف الرياجيل سمح وعي
الا الطرقه اللي كلها هول وصعوبه
اما يكشف الرجال عن طيبه المخفي
والا تنكشف دعواه وتبين اعيوبه
وخوة رديين المواجيب علم سي
مايجني مخاويهم سواء زود عذروبه
اما انه وقف في موقف مايجمل حي
والا لحق شي من دنسهم طرف ثوبه
ون حاول ينزه لحيته عن خطا المخطي
(تسلوا ليا قفا على شذب عرقوبه..!)

hrah1

[حره على كف صقار]

أنا الذي ما ابدي على الناس سرّي
من خوف سودان الوجيه تحكي به
أصبر على ظيم الدهر و التعرّي
من شان من يرضى عليّ الغليبة
و ابعد مجالي عن عيال التزرّي
من لا هوى قلبي دواه المغيبة
واخاف لي من مجلسٍ ما يذرّي
في جانبه بومٍ حساسه صليبه
و سوالفٍ مابين بحث و تحرّي
يجرح فؤادي عيّه و ابتلي به
يرضيني المقسوم خيري و شري
سبحان من لا تعلم الناس غيبه
أحدٍ على ربعه يحب التحري
للشر بلاس و خيره بجيبه
هذاك يالربع انا منه متبرّي
لو عضّني ناب الدهر ما انتخي به

لِ بندر بن سرورhrah

[حره على كف صقار]

لـو سـوق الـمـراجــل فـيــه تـخـفـيـضــات لـلاسـعــار
شـراهـا مـن قـصـر عـنـهــا وصــار الـطـيــب ورثٍ لــه
لـكـن الـمـرجـلـه فـقـر الـبـخـيــل وسـلـعــة الاخـيــار
نـجـومٍ بـالـسـمـاء يـرقــا لـهــا الـطـيــب مـاتـنـزلــه
بـري مـنـهـا الـقـصـيـر الـلـي يـفـتـش فـي دروج الـجــار
وخـويٍ لاغـفـل عـنــه الـخــوي يـدعــس عـلــى ظـلــه
ونـمــامٍ لـسـانــه لـلـعــروض الـغـافــلــه مـنــشــار
وسـمّــاعٍ سـكــت مـاسـكــتــه. والــلــي يـطـبــلــه
وغـيـر وغـيـرهــا يـامــا نـشــوف ونـسـمــع الاخـبــار
عـلـومٍ يـنـطـفـي مـنـهــا الـحـيــا وتـنـافــي الـمـلــه
وانـا مـامـلـك زمــام الـمـعـرفــه لـلـمـعـرفــه تـجــار
بـشـر ومـن الـبـشـر واخـطـى الـطـريـق الـسـنــع وادلــه
لـكـن الا غـويـت ارجـع لـشــور اهــل الـعـقــل والـشــار
نـصـيـحــة شـايــبٍ خــاوى عـصــاه تــداوي الـعــلــه
اطـبـقـهــا واقـدمـهــا هــدو لـهــل الــوفــا والــكــار
مـثـل قــول الـمـثــل دايــم طــراة الـشــي فــي حـلــه

لشاعر ضاوي العصيميhrah

[حره على كف صقار]

مابين غلطات الزمن والمطافيق
خذيت من كبوات غيري دليله
اتعب علي عرف الرجال المطاليق
اهل الوفا من كل بد وقبيله
(اهل الادب والدين واهل المواثيق
اللي مشت بالعدل عن كل ميله)
والاالردي لويقرن الضحك تصفيق
مذموم بلسان الوفا والفضيله
ناس خذت علمه علي غير توثيق
تكذب وتلقاله صدى مـن عميله
اللي تبيع الهرج جمله وتفريـق
محصولهم علم الندم والفشيله

لشاعر
سعيد الشمري

hrah1

[حره على كف صقار]

اول حياة الفتى مشوار وعساسه
مسيرة ٍ في عجاج الوقت يقطعها
وثاني حياة الفتى تدريب ودراسه
تكثر هموم الحياة وينشغل معها
وثالث حياة الفتى يرجع على ساسه
النقطة اللي بدا منها يراجعها
ياصل لسن الهرم ويضيّع الطاسه
يزحف مع الارض ويخطط شوارعها
اليا تلاقت كتوفه وانحنى راسه
ضاعت جميع العلوم اللي مجمعها..!

لِ رشيد الزلامي


hrah1

[حره على كف صقار]

احدٍ يدس القرش في وسط مخباه
وحدٍ يدّور قرش يقري ضيوفة
وحدٍ ينام الليل ومكبر غطاه
وحدٍ حلوم الليل بقعى تحوفة
وحدٍ يصك الباب في وجة من جاه
وحدٍ يفك الباب لومايشوفة
وحدٍ يدّور للردى لين يلقاه
وحدٍ يكن الهم في وسط جوفة
وحدٍ على فعل الردى دوم تلقاه
وحدٍ على النية يزّين حروفة
وحدٍ محله ياعرب وسط معزاه
يغض عنك الطرف لونك تشوفة
لا موجب ضيوفة ولاماشي بجاه
طبع الردى دايم كثيره حسوفة
يالله عسى بقعى تجيه وتغّشاه
تجِعلة مايدري وشلي يحوفة
يالله ياللي كل خلقة ترجاه
تشفق بحال اللي تشّعب ظروفة
وصلاة ربي عد مالخلق ترجاه
اللي يعرف العبد مابوسط جوفة

الشاعر: غانم بن سالم داغر البلوي

[حره على كف صقار]

الفرق ماهو باللحـى والاشانيـب=الفرق بين النـاس فـرق العقولـي
كم واحد ٍتحسن بـه الظـن ويخيـب=السـن يضحـك والفـؤاد معلولـي
واللي غدت به كلمةٍ مالهـا غيـب=ماهو من اطيب ربعي اللي غدو لـي
يالله عساها صيحةٍ فـي قفـا ذيـب=وقلع النيـا بينـي وبينـه يحولـي
الرجل مايغصب على الطيب تغصيـب=لا صار ماهـو دل ضمـن الدلولـي
ومن عادة اللي طيبه يحضر ويغيـب=لاطالـت الرفقـة زهـوقٍ ملولـي
واليا بلنـك غبـر الايـام بصحيـب=في مستوى طيبه صعـود ونزولـي
اعرف ترى الدنيا دروس وتجاريـب=والكامـل الله والنـقـا للرسـولـي
لاتصير مشـذاب يقـص العراقيـب=خلـه وراع الاولـه وش يقـولـي
اخذت حكمه مـن كـلام اللواعيـب=للطيـب نـاس وللعـذارى فحولـي

hrah1

[حره على كف صقار]

من رابع الخايب سكن دوم واياه
لبس الدناسه عقب لبس الجدادي
ومن طاوع الشيطان في دينه اغواه
يصبح غريق بين الامواج غادي
ومن عاشر الطيب ترى الطيب شرواه
وبالطيب يرقى نايفات المبادي
خلك مع الطيب وممشاك ممشاه
ورافق على الربع القروم العوادي
عز الفتى دينه وسلمه ومرباه
وربعه عضوده عند قدح الزنادي
تاقف معه وبقدر الامكان تحماه
لا صار باطراف الحبال انعقادي..!

hrah1

[حره على كف صقار]

المراجـل ماتجيلـك فـي مكانـك
والنعم ينقال مـن جـودك ومـدك
والرفيق اليـا تـردى ثـم هانـك
اتركه يشفعله انـه صلـب جـدك
والصحيب الطيب اليا أخطى وادانك
يشفـع انـه كـان رجـالٍ يـودك
خلك انت الطيـب ووسـع بطانـك
مشها والناس تدري ويـش عنـدك..!
hrah

[حره على كف صقار]

الرفقه اللي مالها ساس ووصول
اتلى تلياها تروح بسهوله
مثل الذرور اللي على راس غرمول
اول مهب يعترض له يزوله
والفعل ما يطلع على مستوى القول
يقول قول ما يطبق فعوله
والفرق في الافعال ماهوب في الزول
والا ترى اطيب ما من الثور زوله
لو غرّهم زوله,, وحطوه مسئول
صاروا مثل راع الغنم ومخيوله
ثوب على جسم على شبه مخيول
(ودايعه يفرسهن الذيب حوله..)!
hrah1

[حره على كف صقار]

الأجواد إن قاربتهم ما تملّهم
والأنذال إن قاربتها عفت ما بها
الأجواد وإن قالوا حديثٍ وفوبه
والأنذال منطوق الحكايا كذابها
الأجواد صندوقين مسك وعنبر
ليا فتحت أبوابها جاك ما بها
والأنذال لو غسّلوا ايديهم تنجّست
(نجاسة قلوبٍ ما يفيد الدواء بها)!

hrah1

[حره على كف صقار]

مدارس الدنيا عطتني واقيات ومانعات
محدٍ عطاني شي من كيسه ولاحدٍ مدلي
من كثر ماجربت في الدنيا وعاصرت الشتات
عرفت كيف أقيّد قيودي وأحرر معقلي
ناسٍ تعيش وتقتل التاريخ وتهدم الحياة
وناسٍ تموت وتبني أمجاد وحياه ومدهلي
ومايعسف قلوب الرجال العاصيات الجامحات
غير الهوى والجوع والوقفه على باب الولي
ومايخذل الرجال لاصكت عليه النايبات
ياكود هقوة محزمٍ راخي وجيب مبخلي

hrah1

[حره على كف صقار]

ان صار زود المال بيدين الانذال
حنا ..من المعروف تندا يدينا
ان كانهم شرهو على طيب الافعال
حنا.. وردنا جماها وارتوينا
وان فكرو للجود يمشون رحال
حنا.. قبل يمشون يمه خطينا
لو نجمع اللي فات منا من المال
ان كان شيدنا القصور وبنينا
نعطي ولا نتبع عطانا بالاقوال
ونبذل ونسكت كننا ماعطينا
وان باعو الشيمه بدينار وريال
حنا.. دخلنا سوقها واشترينا..!
hrah1

[حره على كف صقار]

اخاوي الطيّب ولا لي في الردي قسم وحصيل
ومقرد الخلق آتعوذ من غثا جهالها
وانزه النفس العزيزه في سما جوٍ عليل
والحر الشقر لا كفخ وكره بروس جبالها..!
\
ابن دهيم الدوسري

[حره على كف صقار]

المرجله ماهيب ضحكـات ومـزوح
وماكل رجـال يثمـن مهرهـا

اللي يسج الرجـل ويـدوج ويـروح
يشـوف فالدنيـا عجايـب بشرهـا

واللي يسوق الرجل من غير مصلوح
امـا جبرهـا جبـر والا كسـرهـا

شخصن يعيش وماله احساس وطموح
يمـوت مـاذاق الحيـاة وثمـرهـا

مبارك مناحي العمور

hrah1

[حره على كف صقار]

خطو الولد لأحتجت تلقاه رجال
ونفسه على فعل الجمايل مضراه
يقضي لك الازم بتوجيه واقبال
وعند الغضب يشفيك في ضرب يمناه
كنه هديب الشام شيال الأثقال
لوشانت الأيام ما اخلف نواياه
ومنهم كريم النفس بالحال والمال
ومن حدته سود الليالي تنصاه
ومنهم فهيماً للصعيبات حلال
لاعمست الأريا برايه تولاه
وخطو الولد يامل قصاف الاّجال
زوله كبير وخايباً من ترجاه
مافيه من وزن الرجاجيل مثقال
يزوله اللي زال جده وخلاه:)

لِشاعر : رويشد بن عبدالله السميري
hrah

[حره على كف صقار]

الطيب يبقى مثل نقش في الصخـر
في صفحة التاريـخ دوم مسجلـي
والآ الردي عسى حياته فـي دهـر
وعسى دياره فـي حياتـه تمحلـي
لا نافع نفسـه ولا حـاش الفخـر
ويش ينبغى به جعل روحه تذبلـي
شكله عسى ربي يقصر في العمـر
وعسى عروسه فيـه تلقـا مبدلـي
لِشاعر: هادي بن عسكر
hrah

[حره على كف صقار]

أنا على مسراى والنـور وهـاج
آمر على مايطلـع الفكـر وأنهـا
دنياً بحر تسطفـق فيـه الأمـواج
ولافيه مخلـوق حياتـه ضمنهـا
ناس تصير بساعه الضيق مخراج
ومن حدته سـود الليالـي زبنهـا
وناس مراجلها سواليف وإزعـاج
لا فايـده فيهـا ولا خيـر منهـا
والرجل له كلمه ومبـدأ ومنهـاج
ضريبتـه لا بـد يدفـع ثمنـهـا
من عادتي ما أحط للفكـر مـزلاج
والنفس أروضهـا أجـود رسنهـا ..!

[حره على كف صقار]

لتوضيح :
الأبيات الموجود هاهنا أغلبها من دواوين الشعراء في منتديات مختلفه ..!
ومن تجميعي و متابعتي المستمرة وقرائتي المتواصله للشعر ..!

[حره على كف صقار]

من اقبلت دنياه تكسيه ماهود
ومن ادبرت دنياه لا واعذابه
كم واحد دايم هقاويه بالجود
وعن الملامه مقفيات ركابه
بيته كما عد من البدو ما رود
ريف الضعيف اللي قليل زهابه
يثني لها وان جرها كل مقرود
ويمشي على درب الخطر ما يهابه
عانى من الدنيا تعاسات وصدود
وجداه عضات النواجذ بنابه..!!