سنجاريه
25-06-2010, 11:00 PM
بسم الله الرحمن الرحيم
السلام عليكم ورحمة الله وبركاته
~~~؛؛؛؛؛؛؛؛؛؛؛~~~~~~~
اليوم استهوتن سالفة البطل الفارس / مذهان ابن بريقع ابن رخام بن رمال
والقصه ياعزوتي تقول :::
مذهان ابن بريقع يقول على قناء عروق ابن بريقع <<مكان يسمى عرق
وقال لبنته اعزبي يم الحمض بسهلة القاعد وهو يعلم معه هكا الوقت خوف مايدري يصبح او يبيت الواحد من كثر الغزوات ويروح مع بنتوه
وهو يصبح وهو يتوسد هكا الشجره وينام والبنت على الرحول يمار النياق يوم دالن شمال يبن للنفود والبنت قهرة الرحول يوم خذت ياهذيتس صفقة الخيل يوم طبت على النياق وهي تصيح لبوه الغزو نهب الحلال ويمار هذي الفرس جايه بحديده يم راعيه يما عكفت عليه وهو لك يفك حديده ويلبس الدرع والطاسه وهو هولك يركبه ويلحقهم ويستحذيهم الحذيه ياكرام االحا قالو ول مهبلك يها الشمري ترى معطينك هكا الناقه الي عليه الحرمه
قال ياكرام اللحا قال انا طالبكم منيحة الي مايعرف الله قال اقلب وجهك لا والله نزنح راسك وهو لك يصلق الفرس عليهم ويتجاول هو وياهم يما هو غربط بهم والنياق يهجن لراعيتهن<<لانها هي على الرحول والنياق تتبع رحوله ولاوصلن رحولهن مايتفرقن هجن النايق ويطلبونهن ولا يلحقونهن الا عنده يمار قاضة راسه يوم لحقهم عندالنياق وهي تزغرت له يبه يابوي ترى العطايا ضمر وطوال فك حلايب الضيوف فك حلايب الجيران
هو لك يتجاول هو وياهم لحاله مامعه احد والشعلان خمس وخمسين خيال لكن هو مدرع والا الي هم عدو به ستة وثلاثين طعنه لكن يفكه الله ثم الدرع والا كان متقاطعينه
ومن الضحى يما جاء العصر وهو على الحاله شوين يطلع النياق منهم وشوين ياخذونهن منه يما جاء العصر ياهم بخبيبة الغزو هالي ورى قناء
قال ابن شعلان ماانكتب من الله شين مار اتركوه وهم لك يخلونه يوم اندفعوا قال يالروله انتم روحوا ونا ابي ارجع للشمري قالو وش لك به قال ابي بنته هالي تزغرت
قالو انت مبهول قال اهبل من المهبول والله ان ماخذيته ماحياتي هنيه يارجال منا مناك قال ابد قالو يالله حنا وياك قال لا منتم معي ان جيتو وهي صارت ليلة قشراء
ابجيه لحالي ابي اجيه ضيف وهو لك يركب ذلوله ويرجع يقص اثر النياق يما لقاهن وهو ينوخ ياوالله يوم نحطت الذلول وهو لك يقوم ويحيي بالضيف ياوالله متدروش على اثر الطراد
يالله حيه يالله حيه وهويقلطه بالبيت يوم هذا قال تدري وش انا قال لا والله ادري انك ضيف حياك الله قال انا عقيد القوم الي غاروا عليك اليوم قال حياك الله حتى لو انت عقيد القوم
وش جابك قال جاي ابي بنتك قال وش مشرهك عليه قال طيبه وماشرهن غير طيبه شين اما انا اعرفك بنفسي انا منيف ابن شعلان ( عاد تخالفت الأروى فيه من يقول انه فيصل وفيه من قال ان منيف لكن الارجح انه منيف )
قال والله صعبه اعطيك بنتي والا تستاهل يابن شعلان اعطيك لكن بالبساطه لا ماعطيك اياه لكن ياحال الحول دور الليله تعال وانطيك اياه قال وهالحين ليه قال الحين لو اعطيك اياه قالو مافك نياقه الا بنته لكن ياجاء الحول تعال والله يحييك
ركب ذلوله ولحق خوياه ويوم حال الحول وهو يركب ويجي ويملك له عليه وهو يشد له جمل من عنده ويهزع له ناقه منيحه له قال مابيه تستمن من لبن اباعركم ابيه تشرب من لبن ناقته 0
وهو لك ينهجبه ابن شعلان
وهو يقول ابن بريقع
الله يايـومـن جـرالـي لـحـالـي
انـا وبنتـي مـع قطـيـع الــذود
غدى غبـار القـاع فوقـي ظلالـي
بسهلـة القـاعـد بـحـد النـفـود
غزونـا مـن حــدود الشمـالـي
خمسيـن خيـالـن وخـمـس زود
يبـون منـا ملولحـات الشْمـالـي
نحـمـد الله مـاخــذو مـفــرود
وبنتي بعال الصـوت حسـه يلالـي
تقول فك الأبل ترى الشحذه علينا تكود
وابن شعلان يقول
ياقطيـم ويـن الله بهـذا رمـانـا
عفنا الطمع ياقطيم نقصـه وزوده
عوداً لحالـه عـن نياقـه نحانـا
وحنا خمسة وخمسين خيالن معدوده
من راس رمحه شف مناثر دمانـا
بحد الجلد ياقطيـم بقبلـي نفـوده
وياما جدع من كل فـارس ورانـا
ورماحنا تضـرب فنـادي فنـوده
والبنت تنخـى فكنـا مـن عدانـا
وقضت على الفاطر جدايل جعوده
فك القطيـع الشمـري واحتمانـا
شين جرى ياقطيم وحنـا شهـوده
عقبه طلبنا البنـت منـه وعطانـا
وهاذي سواة الي عـراب جـدوده
وهنا تنتهي قصة ابن بريقع مع منيف الشعلان عقب الغزوه نسابه
وهذي شيمه العرب المعروفه
وســـــــــــلآمتكم
وحلونن عن القصور ياااعزوتي
:)السنجـــاريــه:)
السلام عليكم ورحمة الله وبركاته
~~~؛؛؛؛؛؛؛؛؛؛؛~~~~~~~
اليوم استهوتن سالفة البطل الفارس / مذهان ابن بريقع ابن رخام بن رمال
والقصه ياعزوتي تقول :::
مذهان ابن بريقع يقول على قناء عروق ابن بريقع <<مكان يسمى عرق
وقال لبنته اعزبي يم الحمض بسهلة القاعد وهو يعلم معه هكا الوقت خوف مايدري يصبح او يبيت الواحد من كثر الغزوات ويروح مع بنتوه
وهو يصبح وهو يتوسد هكا الشجره وينام والبنت على الرحول يمار النياق يوم دالن شمال يبن للنفود والبنت قهرة الرحول يوم خذت ياهذيتس صفقة الخيل يوم طبت على النياق وهي تصيح لبوه الغزو نهب الحلال ويمار هذي الفرس جايه بحديده يم راعيه يما عكفت عليه وهو لك يفك حديده ويلبس الدرع والطاسه وهو هولك يركبه ويلحقهم ويستحذيهم الحذيه ياكرام االحا قالو ول مهبلك يها الشمري ترى معطينك هكا الناقه الي عليه الحرمه
قال ياكرام اللحا قال انا طالبكم منيحة الي مايعرف الله قال اقلب وجهك لا والله نزنح راسك وهو لك يصلق الفرس عليهم ويتجاول هو وياهم يما هو غربط بهم والنياق يهجن لراعيتهن<<لانها هي على الرحول والنياق تتبع رحوله ولاوصلن رحولهن مايتفرقن هجن النايق ويطلبونهن ولا يلحقونهن الا عنده يمار قاضة راسه يوم لحقهم عندالنياق وهي تزغرت له يبه يابوي ترى العطايا ضمر وطوال فك حلايب الضيوف فك حلايب الجيران
هو لك يتجاول هو وياهم لحاله مامعه احد والشعلان خمس وخمسين خيال لكن هو مدرع والا الي هم عدو به ستة وثلاثين طعنه لكن يفكه الله ثم الدرع والا كان متقاطعينه
ومن الضحى يما جاء العصر وهو على الحاله شوين يطلع النياق منهم وشوين ياخذونهن منه يما جاء العصر ياهم بخبيبة الغزو هالي ورى قناء
قال ابن شعلان ماانكتب من الله شين مار اتركوه وهم لك يخلونه يوم اندفعوا قال يالروله انتم روحوا ونا ابي ارجع للشمري قالو وش لك به قال ابي بنته هالي تزغرت
قالو انت مبهول قال اهبل من المهبول والله ان ماخذيته ماحياتي هنيه يارجال منا مناك قال ابد قالو يالله حنا وياك قال لا منتم معي ان جيتو وهي صارت ليلة قشراء
ابجيه لحالي ابي اجيه ضيف وهو لك يركب ذلوله ويرجع يقص اثر النياق يما لقاهن وهو ينوخ ياوالله يوم نحطت الذلول وهو لك يقوم ويحيي بالضيف ياوالله متدروش على اثر الطراد
يالله حيه يالله حيه وهويقلطه بالبيت يوم هذا قال تدري وش انا قال لا والله ادري انك ضيف حياك الله قال انا عقيد القوم الي غاروا عليك اليوم قال حياك الله حتى لو انت عقيد القوم
وش جابك قال جاي ابي بنتك قال وش مشرهك عليه قال طيبه وماشرهن غير طيبه شين اما انا اعرفك بنفسي انا منيف ابن شعلان ( عاد تخالفت الأروى فيه من يقول انه فيصل وفيه من قال ان منيف لكن الارجح انه منيف )
قال والله صعبه اعطيك بنتي والا تستاهل يابن شعلان اعطيك لكن بالبساطه لا ماعطيك اياه لكن ياحال الحول دور الليله تعال وانطيك اياه قال وهالحين ليه قال الحين لو اعطيك اياه قالو مافك نياقه الا بنته لكن ياجاء الحول تعال والله يحييك
ركب ذلوله ولحق خوياه ويوم حال الحول وهو يركب ويجي ويملك له عليه وهو يشد له جمل من عنده ويهزع له ناقه منيحه له قال مابيه تستمن من لبن اباعركم ابيه تشرب من لبن ناقته 0
وهو لك ينهجبه ابن شعلان
وهو يقول ابن بريقع
الله يايـومـن جـرالـي لـحـالـي
انـا وبنتـي مـع قطـيـع الــذود
غدى غبـار القـاع فوقـي ظلالـي
بسهلـة القـاعـد بـحـد النـفـود
غزونـا مـن حــدود الشمـالـي
خمسيـن خيـالـن وخـمـس زود
يبـون منـا ملولحـات الشْمـالـي
نحـمـد الله مـاخــذو مـفــرود
وبنتي بعال الصـوت حسـه يلالـي
تقول فك الأبل ترى الشحذه علينا تكود
وابن شعلان يقول
ياقطيـم ويـن الله بهـذا رمـانـا
عفنا الطمع ياقطيم نقصـه وزوده
عوداً لحالـه عـن نياقـه نحانـا
وحنا خمسة وخمسين خيالن معدوده
من راس رمحه شف مناثر دمانـا
بحد الجلد ياقطيـم بقبلـي نفـوده
وياما جدع من كل فـارس ورانـا
ورماحنا تضـرب فنـادي فنـوده
والبنت تنخـى فكنـا مـن عدانـا
وقضت على الفاطر جدايل جعوده
فك القطيـع الشمـري واحتمانـا
شين جرى ياقطيم وحنـا شهـوده
عقبه طلبنا البنـت منـه وعطانـا
وهاذي سواة الي عـراب جـدوده
وهنا تنتهي قصة ابن بريقع مع منيف الشعلان عقب الغزوه نسابه
وهذي شيمه العرب المعروفه
وســـــــــــلآمتكم
وحلونن عن القصور ياااعزوتي
:)السنجـــاريــه:)