لــــغـــز حصــري لبيت شـــــــمـــر

[شاعر شمر]

بسم الله الرحمن الرحيم

السلام عليكم ورحمة الله وبركاته

للألغاز نصيب في شعري ولحلالت الألغاز النصيب الأكبر منه

لذلك يتحمس كل شخص عندما يتفاعل الآخرين لما يقدمه

فأتيت لكم بهذا اللغز :


ابنشدك عن بـــنت فـي بطنــها خمس
وســــبعٍ بــــنفس بطيـــنها ما يزيدون

ما يجـهله(أحـمد) ولا يجـهله(جمس)
وعــــيالها نفـــس العدد لــــو يعِــدون

بـهـــا يـــمـر الضــو ويعـاقــبه دَمــس
وبهـــا يريــد الله وهــــم ما يـــريدون

وبها كتبت حروف شعري وانا رمس
وبهـــا شكيت الله إذا صـــرت مغبون

وبها الخطا سويت وادعوا لي الطمس
مِـــن واحدٍ معـــبود وحده بهــــالكون

وان كـان تجــــهلها فـــفنجال للعـــمس
يقـــــعد براسك شـــي بالمخ مـــخزون

وارجـع واقول ببطنها يا بـعدي خـمس
وســــبعٍ بنـفس بطيــنها ما يـــــزيدون

[ماجد الحربي]

هلابك


طيب أنا بحاول أجاوب عليه


والمعذره لو أخطيت


أقول ((الجمعه))


ابنشدك عن بـــنت فـي بطنــها خمس

في بطنها 5 صلوات

وســــبعٍ بــــنفس بطيـــنها ما يزيدون

7 أيام عدد أيام الأسبوع


وبهـــا يريــد الله وهــــم ما يـــريدون


المقصود يوم((القيامه))

تقوم الساعه في يوم الجمعه

أسأل الله أن يجيرك فزع هاليوم

وبهـــا شكيت الله إذا صـــرت مغبون


للمؤمن دعوة مستجابه بهاليوم.



مدري صح ولا ((حاول مرة أخرى وشكرا))

مجرد محاوله


لاهنت

[بدر شمر]

رمعت الحربي جيده
انا رمعتي ام خمس
يعرفها شاعرنا

[بدر شمر]

وبهـــا شكيت الله إذا صـــرت مغبون!
انا السحب رمعتي

[شاعر شمر]

هلا بك أخوي ماجد الحربي

رمعتك جيده وهي واردة في بعض الأبيات

لكن الأبيات الأخرى لا يكون لها نصيب

من الحل .
((وحل اللغز لابد أن يكون واردا على كل الأبيات ))

رمعة جيده . تشكر على محاولتك

ودي واحترامي

[شاعر شمر]

هلا بك يا بدر شمر

والله يا ابن العم رمعتك صراحة بعيد عن الحل

وأم خمس لا ترد على هذا اللغز ,,

وأدري راح بالك لشي ثاني.

محاولتك ومرورك على موضوعي تشريف لي

ودي واحترامي

[شاعر شمر]

أفاا ماهي معقوله كل لغز
أبدعه للمنتدى أرجع أحله
كذا تخلونن أهجر ركن
الألغاز فكروا ؟؟؟؟؟؟


ودي للجميع

[حره على كف صقار]

http://almska.com/up//uploads/images/almska-62d8fed479.gif (http://almska.com/up//uploads/images/almska-62d8fed479.gif)

البنت

الأرض
في بطنها خمس
المحيطات الخمسه
وسبع بنفس بطينها
طبقات الارض ..
عيالها نفس العدد
القارات السبعة









http://almska.com/up//uploads/images/almska-f34802051e.gif (http://almska.com/up//uploads/images/almska-f34802051e.gif)

[/align]

[شاعر شمر]

بسم الله الرحمن الرحيم

شكرا للأخت حره محاوله رائعه
لتركيب اللغز صراحه الحل وارد
على بعض الأبيات لكن في حل
الألغاز لازم يكون الحل شامل
لكل بيت أو شطر مجهود أكثر
من رائع وحاولي مره أخرى
إنشاء الله تجيبين الحل؟؟؟؟؟؟

لكي ودي

[مشاعر آنسانه]

ماعندي اي فكره

لكن بأحاول ..

[شاعر شمر]

ماعندي اي فكره

لكن بأحاول ..


حاولي ونحن ندعوا الجميع للمشاركه

اللغز سهل بس ركزوا وتحلونه

ودي للجميع

[شمرأخوشمر]

هلا بشاعرنا الرائع والمميز
هلا بشاعر شمر ويالله حيه
////////////////


ابنشدك عن بـــنت فـي بطنــها خمس
وســــبعٍ بــــنفس بطيـــنها ما يزيدون


ما يجـهله(أحـمد) ولا يجـهله(جمس)
وعــــيالها نفـــس العدد لــــو يعِــدون
الرمعه هي السنه
في بطنها 5+7=12 الاشهر

وهم عيالها الاتنئ عشر

وتقبل مروري مع تقديري

[بدر شمر]

رمعة شمر اخو شمر رمعه طيبه
كنت بقول الأركان الخمس مع باقي التفصيل
بس شمر اظنه صح

[شاعر شمر]

هلا بك أكثر والله لا يهينك

وصح لسانك الحل صحيح

أخوي شمر أخو شمر

صح لسانك مرة أخرى

ومرورك تشريف

[شمرأخوشمر]

هلا بك أكثر والله لا يهينك

وصح لسانك الحل صحيح

أخوي شمر أخو شمر

صح لسانك مرة أخرى

ومرورك تشريف


هلا بمن مروا كلهم واحد واحد
وحده وحده والله لايهينكم
وصح السانك وبدنك شاعر شمر
وترا هذا ثاني لغز حصري لك ومنك
وحليته (يد النجر)(والسنه) وهو واحد
اللي عصى علي والله يديمك لنا هنا
كلك رائع وبانتظار جديدك وهلابك هلا
شمراخوشمر

[شاعر شمر]

هلا بمن مروا كلهم واحد واحد
وحده وحده والله لايهينكم
وصح السانك وبدنك شاعر شمر
وترا هذا ثاني لغز حصري لك ومنك
وحليته (يد النجر)(والسنه) وهو واحد
اللي عصى علي والله يديمك لنا هنا
كلك رائع وبانتظار جديدك وهلابك هلا
شمراخوشمر


وأنتظرك للغز الحصري القادم

والله لايحرمنا من امثالك

والله لا يهينك

[*شــمــر*]

لغز رائع اخي شاعر


اجل كل مادخل لغز القاه محلول
شكلكم تدرون اني ماحب افكر