عجز ميزانية الشباب واسباب السلف والدين

[الزميليه]

.

.
دائما ماتصير مجادلة حول مصاريف البنات والاولاد ومن اكثر ومن اقل .. بالنسبه لي انا اشوف اننا متعادلين في
الاحتياجات والصرف بعشوائيه وبدون تخصيص للميزانيه . وقليل من يرتب اولولياته في المصروف ..لكن الشباب يتهمون البنات
بكثرة المصاريف على شيء يسوى وشيء مايسوى الا ان البنت ممكن تلاقي في نهاية الشهر عندها فائض بالميزانيه .
والبعض تكون استطاعت تعدي الشهر بدون سلف لكن الشباب المصاريف والعجز هي سمات بارزة في ميزانياتهم سواء كانوا طلاب جامعه يعني دخلهم ما يزيد عن مكافئة او موظفين لهم رواتب شهريه منتظمة ... ولله الحمد الشباب طول الشهر مطفر والجيب خالي ..
وسلفيني يُمه وسلفيني ياأختي الحبيبه ، والا اذا مااحد عطاه وجه طب في اضعف اخوياه ولطش من جيبه المقسوم بمسمى
انه خويه ، مع العلم ان خويه موب احسن منه حال لكن شيء افضل من لاشيء ...

نستعرض مصاريف الشباب قبل الارتباط ( العزوييه ) .. او وين بالضبط تروح المكافئة او الراتب ...

السيارة ...
اكسسوارات ، بنزين ، غسيل سيارة صديق ، تغيير جنوط ، كفرات ، زيت ، معطر سيارة ، الاستريوا او مسجل السياره يحتاج سماعات قصر افراح ، اشرطه ، دلايه بالمراية الاماميه ...... وغيره
لو نجري لقاء سريع مع احد الشباب ..
وش نوع سيارتك مرسيدس أم أودي؟!
هذا السؤال وجهته لأحد الشباب..
لكنه راح يفاجئنا يقول «لا يا أخي هذه نيسان «مكسيما» موديل 2002 لكنني صرفت عليها دم قلبي حتى تصير كذا»!
هذولا شباب القز بالشوارع والاستعراض عند مدارس البنات ... يحب يزين السيارات بالاكسسوارات والاضاءات والالوان والحقيقة انهم اصحاب خيال واسع وتتحول السيارة بشوية لمسات من هيونداي «اكسل» موديل 98» الى مرسيددس او أودي .. لكن مصاريف ممكن تصل لسبعة الاف مافيها شك !!!! ومصرووف السيارة يعادل مصروف البنت على الميك اب ..


الملبس ...
الشباب اليوم ماعاد لبسه ثوب وشماغ ونص ساعة واقف على المرآية يشوف المرزام الضايع ... تغيرت الاحوال وصارت قمصان الماركات والبناطيل الجنز والشورت والكاب والشوز اكرمكم وساعة عبدالله بالخير الحمراء احد مميزات الشباب اللي لابد تأخذ حقها من الدخل .وهذا يعادل مصروف البنت على ملبسها واصبحنا في الهوى سوى ..



القطات ولزوم الجمعات والسهر والفله..
هنا فيه شباب يطق الصدر ويحرم من ظهر المره اللي بعد مااعرس عليها ان مايعشي الشلة غيره ويطفر بعدها بيوم ويلعن ابو ساعة عشاهم فيها هذا بالاضافة لـمصاريف الفلة .. ( جراك ، وفحم ، معسل ، شاهي ، بلوت ، مشروبات بارده ، فصفص دخان ، مويه ) وهذا حسب نوع الشلة .. لا مقابل له عند البنات في المصروف لان الاغلب تطلب وجبات دايت بسيطه حفاظا على الرشاقة ...

السفرات ..
يومين بجده ويومين بالخبر هذا للطفارى والغلابه رغم ان الجيب خالي الا انه يشجع على السياحة الداخليه في ربوع المملكه متى ما طاحت براسه ولقي مثله طفارى يقطون بالسفرة بشرط يناموا عند البحر بحجة النفاه وسعة الصدر بنومة عند البحر .. وهذا حال طلاب الجامعات اصحاب الدخل المتقطع كلنا نعرف المكافئات اللي تنزل كل اربع شهور مره اما بالنسبة لموظين الحكومة تلاقيه ابن عز اول الشهر ومن عشرة الشهر يتسلف بسخاء لانه عارف نهاية الشهر راتبه يرد السلف ويغطي مصاريف عشرة ايام جايه من الشهر الجديد . ايضالايوجد مقابل عند البنت لان مصروف السفر يكون جماعي مع الاسرة ...


مصروفات اضافيه للشباب..
الجوال وفواتيره ..العطر ..الحلاقة الدوريه ... ... قلم رسمي ينفع ينحط بالجيب لو فيه مناسبة رسميه .. كبك ذهبي ... جزمة كعب اكرمكم الله لزوم الرزه .....


برأي الشباب تفوقوا علينا في الانفاق وكسر الميزانيه ... والا لما وجدنا الشاب يتسلف قبل نهاية الشهر .
رغم اننا نقول بكثرة مصاريف البنات الا انها تصل نهاية الشهر بسلام وبدون عجز في ميزانيتها ..



"

[ღ البتول ~|ღ]

اي والله صدقتي
مصاريفهم وااجد
وماتخلص
والبعض عنده سوتصرف ومايعرف يدبراموره
ومديون لشوشته
يسلمووو يالزميليه
تقبلي مروري بمتصفحك العطر
لاهنتي

اختك // موتي

[الزميليه]

شااكره لك الاطلااله الجميله منك لاهنتـــي..

[سنجاريه]

شـكــ وبارك الله فيك ـــرا لك ... لك مني أجمل تحية .

السنجاريه

[غريب]

ههههههههههههههههههههههههه

مو كل الشباب كذا
شفتم كيف تاخذون فكره سيئه عن بعض الشباب

فيه مصاريف بس بالحد المعقووووول
ما توصل لهذي الدرجه
مشكوره اخت الزميليه
تقبلي تحياتي وشكري لموضوعك الهادف

[الزميليه]

شـكــ وبارك الله فيك ـــرا لك ... لك مني أجمل تحية .

السنجاريه




هلااااا بك اختي السنجاااريه ..نورتي متصفحي بمرورك ..

[الزميليه]

ههههههههههههههههههههههههه

مو كل الشباب كذا
شفتم كيف تاخذون فكره سيئه عن بعض الشباب

فيه مصاريف بس بالحد المعقووووول
ما توصل لهذي الدرجه
مشكوره اخت الزميليه
تقبلي تحياتي وشكري لموضوعك الهادف



هلاا بك زلزال..

لا أكيد مو كلهم البعض منهم..


نورت متصفحي بمرورك..

[عذب الكلام]

والله يالحبيبه انا سيارتي مرسيدس لكن كنها هايلكس
لانه ما ذبحني وطفر بوالدي الا الدخاااااااااااااااااااااااااااااااااااااااان الله يقطعه
كل الفلوس على الدخااااااااااان وكل الديون على الدخاااااااااااان وكل السرقااااااااات ههههههههههه على الدخااااااااااااااان اما السياره هههههههههههههههههههههههههههه الله يعين بس



لكن والله يالبنات انكم تسرفووووووووووون اضعاف مضاعفه عنا وهذا وانتم ما تدخنون وشلون لا صرتوا تدخنوووووووووووون الله يعين بس


مشكوره على الموضوع وتقبلي مروري بود

[الزميليه]

والله يالحبيبه انا سيارتي مرسيدس لكن كنها هايلكس
لانه ما ذبحني وطفر بوالدي الا الدخاااااااااااااااااااااااااااااااااااااااان الله يقطعه
كل الفلوس على الدخااااااااااان وكل الديون على الدخاااااااااااان وكل السرقااااااااات ههههههههههه على الدخااااااااااااااان اما السياره هههههههههههههههههههههههههههه الله يعين بس



لكن والله يالبنات انكم تسرفووووووووووون اضعاف مضاعفه عنا وهذا وانتم ما تدخنون وشلون لا صرتوا تدخنوووووووووووون الله يعين بس


مشكوره على الموضوع وتقبلي مروري بود







الله يبعد هالدخااان عنك..

ههههههههههههههه اشوااا اانا ماندخن

اسعدني مرورك