لقيـت بالعتـبـان خمـسـة عـذاريـب

[الجــــــاادل]

بسم الله الرحمن الرحيم



قصه وقصيده ..
ومناسبتها هي :

كـــان الـجـنـدي ثــامـر بـــن فــلاح بن شامان الـشـمري

فــي دوره عـسـكريه

مـسـؤولـهـا الــمـقـدم تـريـحـيب الـعـتـيبي .

وقد تعرض الجندي ثامر لإطــلاق نــار غـيـر مـقـصود ومـكـث عــدة ايــام فــي الـمـستشفى.

وعــاد بـعـد ان تـمـت دوره زمـلائـه وتـمـكن مــن الـتـخرج مـعـهم فأرسل والده

فـــلاح بـــن شـامـان الـشـمري هــذه الـقـصيده:






ســلام مـنـي للمـقـدم تريـحـيـب

اعـداد مـا خـط القلـم بـيـد كـتٌـاب


وعداد مـا غنـوا هـل الفطـر الشيـب

بأرضٍ خليه مـا بهـا غيـر الاعشـاب


وأعـداد مـا ذعـذع نسيـم الهباهـيـب

وأعداد مـا سجيـت رجلـي للاقـراب


ما هي غريبه منـك يـا كاسـب الطيـب

حليـاك مـن نجـمٍ تبـيـن ولاغــاب


شريف ما يدخـل علـى ساسـك العيـب

من يفعل الحسنـا بالاجـواد مـا خـاب


لقيـت بالعتـبـان خمـسـة عـذاريـب

الطيـب والنخـوه وتقـديـر الاجـنـاب


دون الخوي يـا طـون حـر اللواهيـب

وان حـدت الدنيـا يفكـون الانـشـاب



فرد عليه: تريحيب بن سويلم العتيبي قائلاً:



حي الكتاب اللـي مـن الشمٌـري جيـب

اقولـهـا بالـصـدق مـانـي بـكـذاب


يـا مرحبـا عـد النجـوم المراقـيـب

ترحيـب مشتـاقٍ ليـا شـاف الاحبـاب


بكتاب ابـن شامـان رجـل المواجيـب

فيـه الجواهـر بيـن صايـغ وحسـاب


بنيـت لـه بأقصـى ضميـري دواليـب

هذا الرصيد اللـي كنزتـه وراء البـاب


مـن شـأن ثامـر يرخصـن المطاليـب

خوينـا الطيـب لـه الحـق غـصـاب


خوينـا ننصـاب مثلـه لـيـا صـيـب

نمرض معه ونطيـب مثلـه ليـا طـاب


يا عـل مـا يفتـق علـى مثلـه الجيـب

والله يجيـره مـن صواديـف الاسبـاب

</i>

[شمرأخوشمر]

ترحيـب مشتـاقٍ ليـا شـاف الاحبـاب

يستاهلون الطيبين العلم الغانم

وصح الله السان شامان وتريحيب

وانت خلاك لنا الله دوم هنا ولاحرمنا ذهبك ولؤلؤك والماسك

نادره من راس نادر ولا تجيبين الا النوادر وتقبلي مروري وودي

[الجــــــاادل]

حيااااااااااااااك الله اخوووووووووي

ابو طلاااااااااااااااااال

وتسلم يمناااااااااااك على المرور العطر

اسعدني كثيراً

[إستثنائية ..!]

صح لسان الشمري والعتيبي

وصح اختياارك يالجادل مبدعة لاعدمتك

ودي وتحيتي

[هاااوي شعر]

الطيب مايستغرب من الطيبين

والمدح بالطيب ماهو خسااره

الجااادل عافاك الله على هالنقل وهالادراج

لاهنتي ودمتي بود

[سنجاريه]

يستاهل المدح العتيبي ولايهون اخوي الشمري ياحلو فزعت الطيب لافزع
وصح لسان الشمري والعتيبي ع الابيااات
وتعافين خيتوووو ع النقل الرائع
السنجاريه ومودتهااا

[أنوار]

لقيـت بالعتـبـان خمـسـة عـذاريـب

الطيـب والنخـوه وتقـديـر الاجـنـاب


دون الخوي يـا طـون حـر اللواهيـب

وان حـدت الدنيـا يفكـون الانـشـاب


...............


حي الكتاب اللـي مـن الشمٌـري جيـب

اقولـهـا بالـصـدق مـانـي بـكـذاب
...

صح لسان قايلها ..

وتسلم يمين ناقلتها ..

الجاادل
دائما مميزة ..

كالقمر بين النجووم..
لاعدمناك.

ولا عدمنا حضورك..

لك من الود أنقاه..!


أنوار بـ عطرهــــــآا..

[’,,’سفيرة~شمر’,,’]

"]يا عـل مـا يفتـق علـى مثلـه الجيـب

والله يجيـره مـن صواديـف الاسبـاب]
[ولاعلى احبابنا انشاالله ما يفتق الجيب
صح لسان من قال
ويعطيك العافية عالاختيارالرائع]

[الجــــــاادل]

حيآآآآآآآآآآآآآآآآآآكم الله فديتكم

لاهنتوا

[&داهــيـــةشـــمــر&]

ونعم ونعم ونعم ونعم والله بالاجواد

العتبان عزالله ان خوتهم ماتنمل

وصح لسااان فلاح

وصح لسااان تراحيب

وصح نقلك الطيب ياطيب طيبك يالجاادل

وتقبلي مروري والاحترااااام

[الجــــــاادل]

ارحب يالقرم نورت الموضوع واللي اني اتحرى طلتك بس مآآآش جيت متأخر مير معذور